АВТОБИОГРАФИЯ

1923 гъэм Бахъсэн районым щыщ Старэ Крепость къуажэм дэт еджапIэ №1-м анэдэлъхубзэмкIэ егъэджакIуэу сагьэув икIи абы 1927 гъэм нэсыху сыщолажьэ. 1925 гъэм зэджэн тхылъхэм сэ си усэ зыкъом къытехуащ.
1928-29 гьэхэм а къуажэ дыдэм дэт еджапIэ № 2-м анэдэлъхубзэр щезгъэджащ икIи окружной мэкъумэш еджапIэм и унафэщI къулыкъур пIалъэкIэ згъэзэщIащ.
1925 гьэм Пятигорск къалэм къыщызэрагьэпэща егъэджакIуэхэм я курсхэм мазитIкIэ сыщыIащ, ар къэзуха нэужь егъэджак1уэу сылэжьащ. 1931 гьэм къыщыщIэдзауэ 1933 гьэм нэсыху Бахъсэн районым ОНО-м инструктор-методисту сыщылэжьащ.
1934 гьэм Псыхъурей къуажэм и колхоз университетым и директору икIи егьэджакГуэу, яужькIэ Къулъкъужын Ипщэ къуажэм ику иримыкъу еджапIэм и директору сагьэуващ. КъБАССР-м и ССП-м и отделым и унафэщIу сылэжьащ. «Стиххэмрэ поэмэхэмрэ» си тхылъыр 1938 гьэм къыдэкIащ икIи сэри пединститутым сыщеджэну сагъэкIуащ. Иджы сэ КъБАССР-м и ССП-м и правленэм сыхэтщ.
Усэ стхыуэ си щIалэгъуэ дыдэм щIэздзащ. 19I7 гьэм Константинополь къалэм дэт, егьэджакIуэ щагьэхьэзыр еджапIэм сристуденту щыщытам, си япэ усэхэу «Анэм деж письмомрэ» «Ильносымрэ» сабий журналым традзауэ икIи сэ саугьэт къысхуагьэфэщауэ щытащ. Абы сигьэгушхуащ икIи си фIэщу литературнэ лэжьыгъэм зестащ.
КъыкIэлъыкIуэ си усэхэр Налшык сабийхэм папщIэ кьыщыдэкI тхылъхэмрэ газетхэмрэ традзащ. Си сабиигьуэм мэжэщIэлIа си унагьуэм шхын зэрыхуэсхьа Iуэхур 1928 гьэм сигу къэкIыжри, абы ипкъ иткIэ сэ стхащ си япэ рассказ «Хьэжыгьэ пут закъуэр».
Си унагьуэм и гъащIэ блэк1ам тещIыхьауэ сэ зэхэслъхьащ 1935 гьэм традза «Мадинэ» поэмэр. А илъэс дыдэм традзащ поэмэхэу «ЩIымахуэ жэщымрэ фызабэ тхьэмыщкIэмрэ», «Жамбот и дыгьуасэхэр» икIи революцэм теухуа усэ, уэрэд зыкъом.
Си усэхэмрэ «Къамботрэ Лацэрэ» поэмэмрэ зэрыт тхылъ щхьэхуэр 1938 гъэм дунейм къытехьащ. Граждан зауэм теухуа си поэмэ «НыбжьыщIэ хахуэр» 1939 гъэм газетым къытехуащ.
Иужьрей зэманым сэ солэжь Дзэлыкъуэ восстанэм теухуа повестымрэ «Къызбрун» музыкальна-драматическэ поэмэмрэ.

Страницы: 1 2